Nasikop sa Prague, Czech Republic ang puganteng si kanhi Ako Bicol Representative Zaldy Co human matud pa kining mingsulod sa nasangpit nga nasud nga walay igong dokumento, sumala ni President Ferdinand Marcos Jr. niadtong Huwebes, Abril 16, 2026.
Sa kasamtangan ana sa kustodiya na sa Czech authorities si Co samtang nakig-koordinar ang panggamhanan sa Pilipinas aron mahimo ang mga legal nga lakang alang sa iyang pagbalik dinhi sa nasud.
Nag-atubang si Co sa pipila ka kasong kriminal kalabot sa gika-ingong korapsyon sa national budget, partikular sa mga proyektong pang-imprastraktura.
Nalambigit usab kini sa usa ka kumpanya nga nakakuha og bilyones pesos nga kontrata sa gobyerno, lakip ang usa ka flood control project nga nagkantidad og P289 million sa Naujan, Oriental Mindoro nga gi-ingong substandard.
Kahinumdumang nagtago si Co sukad pa niadtong Hulyo 2025 human mabolgar ang anomalya sa paggastos sa pondo sa panggamhanan.
Samtang, gipanghimakak ni Co ang mga alegasyon batok kaniya.
Matud ni Co, adunay hulga ang iyang kanbuhi ug pamolitika matud pa ang mga kasong gipasaka batok kaniya.
Gi-insistar usab niini nga gihimo lang niini ang pipila ka desisyon sa budget insertions base sa mando sa Presidente.
Sa kasamtangan wala pay tukmang petsa alang sa extradition ni Co samtang nagpadayon ang mga legal process aron mapa-uli si Co gikan sa Czech Republic.