Tulo ka panimalay ang hingpit nga naugdaw human niulbo ang usa ka sunog sa Purok 1, Barangay San Luis, lungsod sa Malitbog, niadtong Martes sa gabii, Abril 14.
Base sa inisyal nga imbestigasyon sa mga otoridad, nagsugod ang kalayo alas 11:00 sa gabii sa balay sa usa ka 48-anyos nga lalaki kinsa giingong nipasagdan sa iyang giluto. Gumikan kay hinimo lamang sa light materials, daling mikatag ang dilaab sa kalayo ngadto sa silingang balay sa iyang duha ka mga igsoong babaye.
Gibanabana nga mokabat sa 75,000 pesos ang daMyos sa maong sunog. Sa pagkakaron, ang suspek anaa na sa kustodiya sa Malitbog Municipal Police Station. Gikatahong dunaโy kondisyon sa panghunahuna ang maong lalaki, hinungdan nga gitambagan ang pamilya niini nga makig-alayon sa Municipal Health Office alang sa saktong mental health management.
Nagpadayon pa ang lawom nga imbestigasyon sa kapulisan kauban ang Bureau of Fire Protection (BFP) Malitbog aron masuta ang uban pang detalye sa maong insidente.