Abante na sa final play-in ang Charlotte Hornets human nila naluwasan ang Miami Heat, 127-126, sa ilang overtime (OT) game sa NBA play-in tournament.
Nahimong yawe sa panalo sa Hornets ang pagpasulod sa bola sa nahabiling 4.7 segundos sa OT. Tungod kay hurot na ang time-out sa Heat, misulay sila sa paghuman sa dula apan nahimong hugot ang depensa sa Hornets.
Nahimong dakong hagit alang sa Heat ang dula tungod sa pagkawala sa ilang star center nga si Bam Adebayo nga nakaangkon og injury sa ikatulo nga quarter.
Hulaton na lang sa Hornets kon kinsa ang modaog tali sa Philadelphia 76ers ug Orlando Magic alang sa ilang final play-in matchup nga ipahigayon karong Biyernes.
Ang kinsa man nga modaog sa final play-in mao ang makakuha sa number 8 nga pwesto sa Eastern Conference ug maoy makaatbang sa Detroit Pistons alang sa unang round sa playoffs.