Nahimong milyonaryo ang usa ka lalaki nga kaniadto miyembro sa gang ug sulod gawas sa prisohan sukad pa sa iyang pagkabatan-on.
Nadakpan kini sa kapulisan tungod sa mga kaso lakip ang pagpangawat ug child abuse, ug didto sa presohan gikuhaan siya og mugshot nga maoy nakausab sa dagan sa iyang kinabuhi.
Ang maong indibidwal nailhan nga si Jeremy Meeks nga wala damha ang maong higayun.
Samtang napriso, nakadawat siya og kapin 400 ka sulat matag adlaw gikan sa lain-laing tawo sa nagkadaiyang bahin sa kalibotan, lakip na ang mga job offer gikan sa dagkong kompanya.
Usa sa mga fashion brands sa Amerika ang interesado kaayo niya, ug tungod niini, nakasulod siya sa kalibutan sa modeling.
Dugang pa, nahimong karelasyon niya ang anak sa usa ka bilyonaryo ug tagapagmana nga si Chloe Green.
Paggawas niini sa prisohan, dali siyang misikat ug nahimong milyonaryo sa mubo nga panahon.
Ang iyang mugshot nga gi-post sa Stockton Police Department sa Facebook nakakuha og liboan ka likes ug dali nga mikatap online, hinungdan nga gitawag siya sa publiko nga “Hot Felon.”