Giawhag ni Philippine Red Cross (PRC) Chairman Richard Gordon, ang gobyerno sa Pilipinas nga magtukod og mga “tank farms” aron mapalig-on ang petroleum industry sa nasud.
Girekomenda kini sa kanhi senador aron mudaghan ang reserba sa petroleum products ug malikayan nga maapektuhan pag-ayo ang nasud kung adunay gubat sa mga nasud nga ginakuhanan sa suplay.
Sumala kang Gordon, ang gobyerno kinahanglan na maghunahuna sa pagbaton og kaugalingong imbakan sa petrolyo ug dili lang magsalig sa pribadong sektor.
Dugang pa niini, ang tank farms magsilbing bodega sa lana nga mahimong gamiton sa paghatag og igo nga suplay kung adunay krisis sama sa kasamtangang sitwasyon.
Pinaagi niini, posible usab nga makontrol sa gobyerno ang presyo sa lana sa nasud.
Mahimong bentaha sa gobyerno ang pagbaton og igo nga tank farms aron masiguro ang padayon nga operasyon ug serbisyo sa publiko bisan pa og adunay kakulang sa suplay sa lokal nga merkado.