Airport sa Kuwait, gibombahan; Mga fuel Tanks nibusikad!

Giatake sa usa ka drone ang tugpahanan sa Kuwait diin hinungdan kini sa pagbusikad sa dakong kalayo sa pipila ka mga fuel tank.

Tungod sa maong insidente, gilauman ang suspensiyon o pagkalangan sa mga biyahe sa eroplano samtang padayon ang paningkamot sa mga bumbero ug emergency responders sa pagpalong sa kalayo.

Gikumpira sa aviation authority sa maong nasud nga dako ang natala nga damyos sa mga pasilidad sa lana, hinungdan nga gipahugtan na ang seguridad sa tibuok rehiyon.

Sa pagkakaron, wala pa’y opisyal nga pahayag kung kinsa ang responsable sa maong pag-atake samtang nagpadayon pa ang imbestigasyon sa mga otoridad.