NATO personnel gikan sa Iraq, gibalhin ngadto sa Italy

Gibalhin sa North Atlantic Treaty Organization kon NATO ang mga personahe niini gikan sa Iraq ngadto sa Italy.

Sukad sa pagsugod sa gubat sa Iran, ang NATO Mission sa Iraq giatake sa makadaghang higayon.

Ang base militar niini nahimutang sa Green Zone sa Baghdad duol sa US Embassy sa maong lugar.

Samtang ang trabaho niini magpadayon sa Naples, Italy diin tabangan niini ang Iraq sa pagtukod og malungtaron ug epektibo nga mga security institution.

Gipasalamatan usab ni Heneral Alexus Grynkewich, Supreme Allied Commander Europe, ang Iraq ug mga kaalyado sa pagtabang kanila aron mabalhin ang mga personahe sa NATO.