English singer nga si Morrissey, gipakyas ang 1,500 ka fans human gikansela ang concert sa Spain

Gikansela sa English singer nga si Morrissey ang concert niini sa Valencia, Spain human kini wala makatug tungod sa grabeng kabanha sa gawas sa iyang hotel.

Matud pa sa kanhi frontman sa The Smiths, tungod sa usa ka selebrasyon sa dapit, wala kini makapahulay og saktong oras hinungdan nga wala kini kusog nga mopasundayag.

Gibana-bana nga 1,500 ka fans ang nagpaabot kaniya sa Palau de Les Arts Reina Sofia apan nadismaya sa kalit nga anunsyo.

Nangayo og pasaylo ang singer ug miingon pa nga posibleng mokabat og usa ka tuig una siya hingpit nga maka-rekober gikan sa maong stress ug kakapoy.