Miabot sa kapin 91,000 ka residente ang naapektuhan sa pag-ulan og abo gikan sa Mayon Volcano, samtang nagpadayon ang clearing operations ug adunay mga taho sa pagkamatay sa pipila ka mga gialimahang hayop sa ubang lugar.
Sumala kang Guinobatan Mayor Ann Gemma Ongjoco, moabot sa 26,654 ka pamilya o 91,225 ka indibidwal sa lalawigan ang naapektuhan sa ashfall.
Miabot usab sa 41 ka barangay ang natabunan sa baga nga abo nga nakapahinay sa adlaw-adlaw nga mga kalihokan sa mga residente.
Tulo ka barangay lamang ang halos dili kaayo grabeng naapektuhan, bisan pa walay ipinatuman nga forced evacuation.
Sa mga nag-unang kalsada, halos zero visibility tungod sa kabaga sa abo, busa nag-deploy og mga fire truck gikan sa lain-laing lungsod aron sa paspas nga paglimpyo.
Nagdala usab kini og peligro sa mga motorista ug temporaryong paghinay sa trapiko.
Tungod sa paggamit sa tubig alang sa road clearing operations, naapektuhan usab ang suplay sa tubig sa pipila ka lugar, mao nga ang mga residente mi-asa sa mga hydrant.
Sumala ni Assistant Secretary Bernardo Rafaelito Alejandro IV sa Office of Civil Defense, naghatag na ang gobyerno og fuel assistance aron sa paspas nga clearing operations.
Matud ni Alejandro nga ang mga dalan sa karon passable pa ug wala pa’y dakong kadaut sa imprastraktura.
Naigo usab ang sektor sa agrikultura, diin natabunan og abo ang mga palayan nga hapit na unta anihon.
Sa Camalig, gi-report ni Mayor Carlos Irwin Baldo ang pagkamatay sa pipila ka mga hayop tungod sa ashfall, apan nagpadayon pa ang beripikasyon sa eksaktong ihap.
Sumala ni Doreen Abelinde, officer-in-charge sa Mayon Observatory, ang ashfall resulta sa sunod-sunod nga aktibidad sa bulkan lakip ang strombolian eruptions, pyroclastic density currents, paghugno sa lava dome, ug lava fountaining.
Miabot ang ash plume sa hangtod 3,000 metros ang kataas.