Gipadayag sa Senado ang proseso sa impeachment batok kang Vice President Sara Duterte nga gikinahanglan ang 13 ka mga senador nga motambong aron ma-convene ang impeachment court.
Sumala kang Senator Tito Sotto III, andam siya nga ipatawag ang impeachment court sa oras nga madawat na ang articles of impeachment batok sa Bise Presidente.
Matud usab ni kanhing Senate President Koko Pimentel nga posibleng adunay “kudeta” sa Senado kung adunay mga senador nga mopugong sa impeachment trial, gumikan 13 ra ka boto ang gikinahanglan aron mapulihan ang Senate leadership
Sa proseso, gilauman nga magsugod ang impeachment trial sa katapusang semana sa Hunyo, ug plano ni Sotto nga ipahigayon ang pre-trial aron mas organisado ug malikayan ang mga kalit nga isyu sa hearing.
Aron ma-convict si Duterte, kinahanglan ang two-thirds nga boto sa Senado o 16 sa 24 ka senador sa 20th Congress.
Giila usab ang presensya sa “Duterte bloc” nga naglakip sa pipila ka senador nga giingong kaalyado sa kampo sa Bise Presidente, nga mahimong makaapekto sa balanse sa boto sa impeachment proceedings.