Unom ka tawo ang nakabsan og kinabuhi diin ubay-ubay usab ang nasamdan human sa pagpamusil sa usa ka youth welfare center sa siyudad sa Stade, duol sa Hamburg, Germany.
Nahitabo ang pagpamusil mga alas-12 sa kaudtuhon sa Dankersstrasse, sa habagatang bahin sa Hamburg.
Ang mga namatay, gilangkuban sa upat ka babaye ug duha ka lalaki, adunay susamang pangidaron samtang gitambalan sa ospital.
Ang giingong suspek usa ka 45-anyos nga Turkish national nga mitambong unta sa usa ka appointment may kalabotan sa kustodiya sa iyang anak.
Nailhan na kini sa kapulisan tungod sa mga hulga kaniadto apan wala giisip nga bayolente ug wala usab siya’y lisensya sa armas.
Samtang, tulo ka tawo, lakip ang suspek, ang gidakop, ug sumala sa mga otoridad, wala na’y hulga sa publiko.