Patay ang 45 ka mga Indian pilgrim human nasunog ang bus nga ilang gisakyan samtang paingon sa Medina gikan sa Mecca sa Saudi Arabia.
Ang insidente nahitabo sa highway tali sa Mecca ug Medina sa sayo sa buntag, diin ang bus mibangga sa usa ka tanker nga adunay gasolina hinungdan sa kalit nga mibusikad ug nasunog.
Nasayran nga 46 ka tawo ang nagsakay sa maong bus ug usa ra ang nakaluwas ug gidala sa balay tambalanan.Kadaghanan sa mga biktima nagpuyo sa Hyderabad, sa estado sa Telangana, India.
Ang gobyerno sa India pinaagi ni Narendra Modi nagpadala ug pakig-simpatya sa mga nawad-an ug misiguro nga ang embahada sa Riyadh ug konsulado sa Jeddah aktibo sa pagtabang sa mga pamilya sa biktima.
Ang estado sa Telangana mihimo usab og mga lakang sama sa pag-set up og control room para sa mga pamilya ug pagpadala og relief team sa Saudi Arabia.