Target sa Amerika nga mopahigayon og ikaduhang round sa negosasyon sa Iran sa dili pa mapupos ang ceasefire karong Abril 21.
Base sa usa ka source nga suheto sa maong hisgutanan, nagpahigayon og internal nga panaghisgot ang mga opisyal sa Trump administration alang sa posibleng ikaduhang “in-person meeting” uban ang mga opisyal sa Iran.
Nagpabiling abli si US President Donald Trump sa pagpadayon sa personal nga negosasyon sa labing daling panahon, kon andam na ang Iran nga mosunod sa iyang mga hangyo (demands).
Sa pagkakaron, gitun-an pa sa mga opisyal ang posibleng petsa ug dapit kon ugaling mouswag ang nagpadayong panag-istoryahay sa Iran ug sa mga mediator sa rehiyon sa mosunod nga mga adlaw.
Apan, dili pa klaro sa pagkakaron kon mosunod ba ang Iran sa mga kondisyon ni Trump sa labing daling panahon tungod sa nahaunang mga pagsupak sa Iran sa pipila ka mga demanda sa Amerika, lakip na ang pagsugod sa blockade sa militar sa US sa mga dungguanan (ports) sa Iran niining buntag sa Lunes (eastern time).