Nagtuo ang inilang international lawyer nga si Atty. Tony Laviña nga dako ang posibilidad nga mapadayon ngadto sa usa ka pormal nga impeachment trial ang mga reklamo batok kang Vice President Sara Duterte karonng umaabot nga bulan sa Mayo.
Kini human sa gipahigayong clarificatory hearing kagahapon, diin gihulagway ni Laviña nga “powerful” o lig-on ang mga nigawas nga impormasyon.
Sumala niini, bisan pa man og clarificatory pa lamang ang maong proseso, daghan na nga mga ebidensya ang nakita nga nagpalig-on sa kaso batok sa Bise Presidente.
Dugang pa niini, kon magpadayon ang dagan sa mga ebidensya, diin gilauman nga sa bulan sa Mayo pormal nang masugdan ang impeachment trial.
Nagpabiling positibo ang inilang abogado nga makuha ang gikinahanglang ihap sa boto sa Kongreso aron pormal nga mapasaka ang impeachment trial batok kang Bise Presidente Sara Duterte.
Sumala niini,dili kinahanglan ang mayorya nga boto sa Ubos Balay-Balauran aron moabante ang kaso.
Gipasabot niya nga usa sa ikatulo (1/3) lamang sa kinatibuk-ang miyembro sa House of Representatives, o gibana-banang 115 hangtod 120 ka boto, ang gikinahanglan aron masugdan ang trial.