16 ka tawo ang naangol human gipaulanan og bala ang usa ka tunghaan sa Turkey

Samdan ang 16 ka tawo human gipamusil sa usa ka lalaki ang usa ka tunghaan sa Turkey.

Walay kaluoy nga gipamusil sa 18-anyos nga suspek ang usa ka vocational high school sa Siverek, probinsya sa Sanliurfa, gamit ang usa ka shotgun. Human sa maong insidente, nagtago ang suspek sa usa ka bahin sa bilding sa wala pa niya pusila ang iyang kaugalingon.

Sumala ni Gobernador Hasan Sildak, ang mga nasamdan naglangkob sa 10 ka mga estudyante, upat ka magtutudlo, usa ka kawani sa canteen, ug usa ka pulis.

Padayon pa ang gihimong imbestigasyon sa mga awtoridad mahitungod sa motibo sa maong suspek.