Gipagawas ni Vice President Sara Duterte ang iyang mga grado sa 2005 Bar Examinations isip tubag sa mga alegasyon ni Ramil Madriaga mahitungod sa academic performance kaniadto.
Atol sa impeachment hearing kagahapong adlawa, gibutyag ni Ramil Madriaga—ang nagpaila nga kanhi bagman sa Bise Presidente—nga naglisod si Duterte sa law school ug nakapasar lamang pinaagi sa impluwensya samga magtutudlo niini.
Isip tubag, gipasiugda sa Bise Presidente ang kamahinungdanon sa integridad sa Bar exams, nga giila nga usa sa pinakalisod nga licensure examinations sa nasud ug direktang ginadumala sa Supreme Court of the Philippines.
Kahinumdoman nga sa 2005 Bar Examinations, mokabat lamang sa 27.2% ang passing rate, diin 1,526 ang mipasar gikan sa 5,607 ka examinees, usa ka indikasyon sa kataas sa standard ug kalisod sa maong eksaminasyon.
Samtang mihirit usab si Senador Imee marcos atol sa nahitabong press conference karung adlawa, matud pa niini usa ka dakong bakakon sa Madriaga.