34-anyos nga lalaki nasikop sa Pangantucan, Bukidnon tungod sa gituohang Smuggled Cigarettes

Nasakpan sa mga awtoridad ang usa ka 34-anyos nga lalaki atol sa gipakusog nga operasyon batok sa smuggled cigarettes sa Vismin Village, Poblacion, Pangantucan, Bukidnonniadtong milabay’ng adlaw.

Nasikop ang suspetsado human kini makit-an nga nagbaligya ug nag-display og gituohang smuggled cigarettes sa iyang tindahan.

Sa dihang gipangayuan og legal nga dokumento, napakyas kini sa pagpakita sa mga kinahanglanong papeles, hinungdan nga gikompiskar sa mga awtoridad ang usa ka ream ug duha ka pakete sa Fort cigarettes ug upat ka pakete sa Commando Red cigarettes, nga adunay kinatibuk-ang kantidad nga ₱1,280.00.

Ang nadakpan ug ang mga gikompiskar nga sigarilyo gitugyan sa Municipal Health Office alang sa hustong disposisyon.