Tulo ang namatay samtang 11 angangol human mibangga ang usa ka UPS cargo plane pipila ka minuto pagkahuman niini mitake-off sa Louisville International Airport sa Kentucky, hapon sa Martes, Nobyembre 4.
Sumala sa US shipping company, adunay tulo pa ka crew members nga sakay sa maong eroplano nga hangtod karon wala pa makit-i o maverify ang kahimtang.
Ang Federal Aviation Administration (FAA) mitug-an nga ang UPS Flight 2976 padulong unta sa Hawaii sa dihang nahitabo ang aksidente.
Nagkarga kini og 380,000 gallons nga fuel nga adunay gibug-aton nga 220,000 pounds.
Matod pa ni Louisville Metro Police Department Chief Paul Humphery, dili pa masiguro kung kanus-a mahimong luwas nga sugdan ang imbestigasyon sa crash site tungod kay adunay mga delikadong materyales nga nagpadayon og sunog ug posibleng mubuto.