1 patay ug mga rescue workers naangol human miatake ang Israel sa southern Lebanon

Usa ang kumpirmadong nakabsan sa kinabuhi samtang pipila ka mga rescue workers ang nangaangol human sa gihimong airstrike sa Israel sa habagatang bahin sa Lebanon karong adlawa, Mayo 4.

Sumala sa mga report, naigo ang mga responders sa dihang misulay sila sa pagtabang sa mga biktima sa unang pagpamomba. Gikondenar sa Lebanon ang maong insidente tungod kay nadamay ang mga medical personnel nga nagsilbi lang unta sa ilang katungdanan.

Kini nga pagpangatake kabahin sa nagpadayon nga tinubagay sa bala tali sa Israel ug sa grupong Hezbollah sa utlanan. Tungod niini, mas misamot ang kabalaka sa tibuok kalibutan sa nagkagrabe nga kagubot sa Middle East.