Human ang unom ka adlaw, hingpit nang gitapos ang Bicameral Conference Committee Meeting alang sa 2026 General Appropriations Bill nga nagkantidad og ₱6.793 trillion.Insaktong alas-2:22 kaganinang kaadlawon dihang gitapos sa Senate ug House contingents ang deliberasyon ug nasabutan ang wala magtukmang mga probisyon sa 2026 national budget apil.
Matud pa ni Senate Finance Committee Chairperson Sherwin Gatchalian lakip sa nahisgutan sulod sa unom ka adlaw mao ang kontrobersyal nga budget sa 2026 sa DPWH.
Kompyansa usab si Sen. Gatchalian nga limpyo sa korapsyon ang napasa nga budget diin tumong niini nga makatabang sa panginahanglan sa katawhan og adunay standard para para sa transparensiya.
Samtang giisip ni House Appropriations Chair Mikaela Suansing ang bicameral conference meeting nga makasaysayan gumikan sa unang higayon nakalive stream ang nasudnong budget sa ang bicameral conference sukwahi sa naandan nga closed door nga pamaagi.
Ang 2026 General Appropriations Bill gikatakdang ipasa kang Presidente Ferdinand Marcos Jr. alang sa iyang pag-apruba.