Mikabat sa ₱52.5 milyones ang kantidad sa mga ilegal nga butang nga nasakmit, samtang 257 ka indibidwal ang nadakpan atol sa usa ka semana nga operasyon sa Police Regional Office 10 gikan Nobyembre 2 hangtod 8, 2026.
Pinakadako sa nakompiskang mga butang ang mineral ores ug heavy equipment nga nagkantidad og ₱46.9 milyones.
Nadakpan usab ang 85 ka indibidwal sa operasyon batok sa ilegal nga droga ug 102 ka wanted persons.
Kabahin kini sa padayong kampanya sa PRO-10 batok sa ilegal nga pagmina, droga, smuggling, loose firearms ug sugal sa Northern Mindanao.

