Gihatagan og dakong pagtagad sa lokal nga panggamhanan sa Valencia ang kahimtang sa edukasyon sa lungsod, ilabi na sa kakulang sa mga classrooms ug suporta sa mga estudyante ug scholars.
Sumala ni Atty. Heinz Villanueva City Administrator -Valencia City, Bukidnon, nga adunay nagpadayon nga mga proyekto ubos sa Special Education Fund nga mokabat sa mga ₱15 milyon nga gigahin alang sa mga eskwelahan.
Tumong niini nga matubag ang kakulang sa classrooms ug mapalambo ang kahimtang sa pagkat-on sa mga kabataan.
Dugang pa, nga gipatawag si Mayor Ami Galario sa Malacañang ni President Ferdinand Marcos Jr., diin gipahibalo nga ang pondo gikan sa Department of Education idiretso na sa mga local government units.
Kini aron sa paspas nga pagtukod sa mga eskwelahan.
Gilauman nga mga 100 ka eskwelahan ang matukod sa umaabot, diin ang LGU na ang mohimo sa procurement ug bidding process.
Sa kinatibuk-an, positibo ang panan-aw sa administrasyon gumikan makatabang kini sa pagpakunhod sa kakulang sa classrooms ug makahatag og mas maayong kahimtang sa edukasyon.