Girekomenda ni Atty. Ralph Sarmiento nga ang Government of the Philippines kinahanglan dayong makig-alayon sa France human sa impormasyon nga si Co nag-aplay og asylum didto.
Gipasiugda ni Sarmiento nga kinahanglan kini dayong beripikahon ug makig-coordinate sa French government aron mapugngan ang maong request, ug ipakita nga walay basehan ang asylum claim tungod kay walay political persecution sa Philippines.
Samtang gitawag usab ni Rep. Chel Diokno nga “dakong kapakyasan” ang wala pagpauli ni Co, human makumpirma sa Department of Justice nga wala na siya sa kustodiya sa Czech authorities ug giila na nga pugante.
Kahinumduman nga una nang gipahibalo ni President Ferdinand Marcos Jr. nga naaresto si Co, apan bisan mipadulong ang special team nga gipangulohan ni DOJ Sec. Frederick Vida, wala nila kini maabti.
Sa pagkakaron, wala pa’y klarong impormasyon kung asa na nahimutang si Zaldy Co.