Mipalag si Vice President Sara Duterte sa mga panawagan nga mosurender si Senador Ronald “Bato” Dela Rosa human sa mga report nga adunay giingong warrant of arrest gikan sa International Criminal Court.
Sa pakighinabi kang Bise Presidente didto sa The Hague sa Netherlands, gibutyag niini nga walay bisan kinsa ang angay manawagan og pagsurender gumikan ang bisan unsang warrant nga wala gi-isyu sa korte sa Pilipinas dili mahimong ipatuman sulod sa nasud.
Gipahayag usab ni VP Sara ang iyang kasubo nga adunay pipila ka mga politiko nga giuna matud pa ang personal nga interes imbes nga ang pagserbisyo sa katawhan.
Ang maong reaksiyon ni Duterte misunod sa resolusyon nga gisang-at sa lima ka miyembro sa Minority Block sa Senado niadtong Martes, nga naga-awhag kang Dela Rosa nga boluntaryong motahan sa mga otoridad.