Usa ka kinabuhi ang nakalas, samtang lima ang naangol sa tunga-tungang bahin sa Israel tungod sa pagpamusil sa teroristang pag-atake, sumala sa kapulisan.
Nasayran nga usa ka lalaki nga nagpangedaron og 30-anyos ang gipusil ug napatay sa usa ka gasolinahan sa Kochav Yair, samtang 5 pa ka laing tawo sa dili mu-menos sa tulo ka managlahing dapit ang naangol usab lakip na ang duha nga anaa sa kritikal nga kondisyon.
Sumala sa kapulisan nga na-neutralize o napatay ang usa ka suspek human nakit-an ang usa ka sakyanan nga gituohan nalambigit sa pagpamusil.
Sa pagkakron, padayon pang gisusi sa otoridad kung aduna pabay kaubanan ang napatay nga suspek sa dihang gihimo ang pag-atake.
Nagpahigayon dayon og dinalian nga panagtigom si Prime Minister Benjamin Netanyahu aron masusi ang sitwasyon human sa maong pag-atake.
Samtang gidayeg usab sa Hamas ang maong pag-atake diin ilang gipahayag nga tubag kini sa “nagpadayong agresyon sa Israel batok sa Gaza Strip” ug sa “mga pag-atake nga nasinati sa katawhan matag adlaw didto sa West Bank ug Jerusalem.”