Mukabat sa 21 ka tawo ang nakabsan sa kinabuhi, samtang 19 usab ang naangol human naaksidente ug nasunog ang usa ka pampasaherong bus duol sa dakbayan sa Nassiriya, Iraq, niadtong Domingo.
Base sa taho sa mga otoridad, nawad-an og kontrol ang drayber sa bus samtang nagbiyahe sa usa ka highway. Tungod niini, mituwad ug natumba ang sakyanan una kini kalit nga nikutkot sa kalayo.
Gikumpirma sa kapulisan ug mga health officials nga ang mga naangol daling gidala sa ospital aron hatagan og medikal nga atensyon. Subay sa taho, kadaghanan sa mga biktima anaa sa kritikal nga kahimtang tungod sa naangkon nga grabeng mga paso sa lawas.
Gimanduan na ni Iraqi Prime Minister Ali al-Zaidi ang dinaliang imbestigasyon aron matino ang hinungdan sa maong trahedya. Gipaabot usab niini ang pormal nga taho gikan sa mga hingtungdan nga ahensya kabahin sa nahitabo.