Gikatakdang sugdan karong Dominggo ang bag-ong hugna sa negosasyon didto sa Burgenstock, Switzerland tali sa Estados Unidos ug Iran, human nahiuna pag-abot ang mga delegadong Iranian sa maong dapit sa wala pa moabot si US Vice President JD Vance.
Kini nga panag-istoryahanay nadayon bisan pa man sa pamahayag sa Tehran nga ilahang gipasira pag-usab ang Strait of Hormuz tungod sa nagpadayong pagpangatake sa Israel sa Lebanon. Tumong sa maong tigom, nga tigtambayayongan sa Pakistan ug Qatar, nga plantsahon ang mga wala masulbad nga isyu bahin sa nuclear program sa Iran ug ang ceasefire sa Lebanon sulod sa duha ka bulan nga window sa negosasyon.
Kahinumduman nga ang maong tigom gikatakda unta niadtong Biyernes apan kalit nga gipostpone sa uwahing minuto human naglunsad og maduguong airstrike ang Israel sa Lebanon isip balos sa pagkamatay sa upat niini ka sundalo.