Gideklara ang state of emergency sa Los Angeles, California gumikan sa nagpadayong dakong sunog sa usa ka dako nga bodega sa frozen food didto sa dapit sa Boyle Heights nga nagsugod pa niadtong Miyerkules.
Giaprubahan ni Mayor Karen Bass ug California Governor Gavin Newsom ang maong dinalian nga deklarasyon aron paspas nga makapakatap og mga dinalian nga ekipo, milyon-milyong N95 nga mask, ug air purifier alang sa mga residente nga apektado sa bagtok ug makahilong aso nga nikatap sa dakbayan.
Nalisdan ang mga bombero sa pagpalong sa kalayo sa 500,000-square-foot nga pasilidad gumikan sa nag-ung-ong nga peligro sa kemikal nga ammonia ug sa sulod niini nga gibanabanang 85 ka milyon ka libra nga mga frozen food nga nagsugod na sa pagkadunot. Padayon gihapon ang operasyon sa mga awtoridad aron hingpit nga mapalong ang kalayo ug mapugngan ang mas dako nga kadaot sa kalikopan.