Midugang ang Estados Unidos sa ilang pinansyal nga tabang alang sa Venezuela human sa duha ka sunod-sunod nga kusog nga linog nga miigo sa nasud.
Sumala sa US State Department, misaka na sa $300 milyon ang ilang gitagana nga ayuda diin doble sa una nilang saad nga $150 milyon.
Ang maong pondo gamiton alang sa medical care, pagkaon, limpyo nga tubig, sanitasyon, temporaryong kapuy-an, proteksyon, ug logistics para sa mga naapektuhan sa kalamidad.
Direkta usab kining ihatag sa mga partner organizations sama sa Samaritan’s Purse, Catholic Relief Services, World Food Programme, ug Red Cross aron mapadali ang paghatag sa tabang.
Gibuksan na usab sa Estados Unidos ang Simón Bolívar International Airport sa Caracas aron mapadali ang pagsulod sa mga relief goods ug rescue teams.
Kahinumdoman nga kapin na sa 1,000 ka mga tawo ang namatay samtang 70,00 ang missing human sa duha ka sunod-sunod nga linog nga miigo sa Venezuela.