Ulo sa giingong fox, nadiskubreng iya sa extinct nang mananap

Usa ka ulo sa mananap nga gipalit sa barato tungod sa hitsura niini ang nadiskubreng iya diay sa Tasmanian tiger o thylacine, usa ka mananap nga napuo na sukad niadtong 1936.

Gipalit kini sa usa ka kolektor sa merkado sa United Kingdom sa kantidad nga mga 67 dolyar, apan nabaligya sa subasta sa kantidad nga mokabat sa 85 mil dolyar, wala pa labot ang dugang nga bayranan.

Namatikdan ni James Cranfield, usa ka tigkolekta sa mga karaang butang nga may kalabotan sa kinaiyahan, nga dili kini ulo sa fox tungod sa porma ug gidaghanon sa mga ngipon.

Gikumpirma sa X-ray ug CT scan nga tinuod kini nga ulo sa thylacine, ug gitinguhang magamit sa mga siyentista alang sa dugang nga pagtuon.