Gipamatud-an sa bag-o nga mga panghitabo nga husto ang beterano ug kanhi anchor sa usa ka media outlet nga si Jim Acosta sa sayong pasidaan niini kalabot sa kinaiya ni US President Donald Trump, usa ka seryosong hulga sa demokrasya ug sa kagawasan sa katawhan.
Kahinumduman nga atol sa unang termino ni Trump, gisaway si Acosta sa mga tigpaluyo niini tungod sa giingong pagpabida ug pagka-dramatiko, apan nagpadayon ang kanhi presidente sa pag-atake sa mga tigbalita hangtod karon.
Labing bag-o, nakasinati na usab og agresibo ug sexist nga pag-atake ang tigbalita nga si Kaitlan Collins, nga nagpamatuod lamang sa nagpadayong pagpangdaot ni Trump batok sa media.
Gipahinumdoman ni Acosta ang publiko sa 2018 nga hitabo diin gitudlo siya ni Trump nga “kaaway sa katawhan,” usa ka bansag nga gigamit gihapon niini hangtod ning ikaduhang termino.
Gipahayag sa beteranong peryodista nga ang kanunay nga pagtawag ni Trump og “fake news” ug ang pag-atake sa mga reporter nagpakita lamang sa iyang kakuwang og respeto sa kamatuoran ug tulubagon.
Sa pagkakaron, tataw na nga ang kasaysayan mismo ang nagpamatuod nga sakto si Acosta sa iyang mga obserbasyon mahitungod sa maong hulga sa kagawasan sa prensa.