Naghatag og nagkasumpaki nga mga pamahayag si US President Donald Trump kalabot sa tensyon tali sa Amerika ug Iran samtang nagkaduol na ang pagtapos sa 14 ka adlaw nga ceasefire.
Matod ni Trump, wala siya magdali sa pagsulbad sa panagbangi, apan posible gihapon ang bag-ong negosasyon didto sa Pakistan. Bisan pa man sa pagdumili sa Iran nga makig-istorya hangga’t dili usbon sa Washington ang ilang baruganan, gipahibalo ni Trump nga mahimo gihapong magpadala ang Amerika og team alang sa panaghisgot. Apan, nagbahad usab siya nga mahimong mosamot ang kahimtang kon walay makab-ot nga kasabutan.
Sa pikas bahin, nanindigan ang Iran nga dili sila makig-istorya ilalom sa hulga ug giakusahan ang US nga wala motuman sa kasabutan sa ceasefire. Nagpabilin usab nga init ang tensyon didto sa Strait of Hormuz.
Sa pagkakaron, dili pa klaro kon mosangpot ba kini sa bag-ong peace talks o hingpit na nga mabungkag ang temporaryo nga tigil-putukan.