Gikondena ni US President Donald Trump ang nasud sa Iran tungod sa giingong wala pagtuman niini sa kasabutan mahitungod sa pag-agi sa mga barko sa Strait of Hormuz.
Sa iyang labing bag-o nga post sa social media, gihulagway ni Trump nga usa ka “very poor job” ug “dishonorable” ang gihimo sa Tehran, dungan sa pag-ingon nga wala kini nahiuyon sa ilang gikasabutan nga two-week ceasefire.
Bisan pa man giablihan sa Iran ang maong agianan sukad niadtong Martes sa gabii, uban ang pagpahamtang og bug-at nga kondisyon diin kinahanglan pa nga mokuha og lisensya gikan sa ilang armed forces ang bisan kinsang gustong mulanbang sa maong ganghaan.
Sumala sa maritime tracking data, napulo pa lamang ka mga barko ang nakalabay sukad nagsugod ang ceasefire, butang nga nakapasaka na usab sa tensyon human nipahibalo ang Iran nga maningil na sila og bayad sa mga barkong moagi sa maong dapit.