Napatay sa pwersa sa Israel ang top military commander sa Iran nga si Ali Shadmani sa usa ka tibook gabi-ing airstrike kagahapong adlawa.
Sumala ni Brig. Gen. Effie Defrin Israeli Defense Force, ang maong pag-atake nahitabo sa Tehran, diin gibakbakan ang military command center kung asa anaa si Shadmani.
Si Shadmani giila nga suod nga kasaligan ni Supreme Leader Ayatollah Ali Khamenei, ug usa sa mga nag-unang lider sa Islamic Revolutionary Guard Cor (IRGC) ug Iranian armed forces.
Matud sa Israeli military, si Shadmani adunay dakong papel sa pagmando sa mga operasyon militar sa Iran ug konektado sa mga lakang batok sa Israel.
Kahinumduman nga niadtong Huwebes, misaka ang tensyon tali sa Israel ug Iran, uban sa binayloay nga mga airstrike, nga karon nanginlabot na usab og mga sibilyan gawas sa mga target nga pwersang militar.