- Advertisement -
Nasikop sa kapulisan ang usa ka 58-anyos nga lalaki nga Top 6 Most Wanted Person sa provincial level sa Bukidnon, atol sa operasyon sa Sitio Bunawan, Barangay Polonuling, Tupi, South Cotabato kagahapong adlawa, Septyembre 19, 2026.
Giila ang suspetsado nga si Sanny Boy Magno Asturias, residente sa Valencia City, Bukidnon. Nasikop kini pinaagi sa warrant of arrest nga gipagawas niadtong Oktubre 10, 2024 tungod sa Less Serious Physical Injury, Acts of Lasciviousness, ug Sexual Assault.
Mokabat sa P258,000 ang girekomendang kantidad sa piyansa alang sa mga kaso. Anaa na kini sa kustodiya sa Valencia City Police Station alang sa dokumentasyon ug hustong disposisyon.
- Advertisement -