Misurrender ang tulo ka miyembro sa New People’s Army o NPA sa 4th Infantry Division human sa pagkamatay sa ilang lider nga si Julia Cagadas, alyas “Rheda,” atol sa engkwentro sa Barangay Bakingking, Esperanza, Agusan del Sur niadtong Septiyembre 12.
Si Claire M. Dalagon, alyas “Cloud,” nga giila isip finance officer sa usa ka yunit sa NPA, misurender sa 1st Special Forces Battalion sa Las Nieves, Agusan del Norte. Misurender usab sila William Boskada Manligayan, alyas “Kevin,” ug Allan Bakero Tahal, alyas “Ading,” ngadto sa hiniusang tropa sa 23rd ug 58th Infantry Battalions sa Buenavista, Agusan del Norte, uban ang usa ka M16 rifle, magazine ug mga bala.
Matud ni 4ID Commander Major General Marion T. Angcao, bisan mikunhod na ang pwersa sa NPA sa padayon gihapon nilang e monitor kini aron magpabilin ang kalinaw.
Padayon ang militar sa pag-awhag sa mga miyembro sa walhong grupo nga musurrender ug magpuyo nga normal kauban ang ilang mga pamilya.