Gidiscourage sa Confraternity of the New Apologetics ang pagpasakit sa lawas sama sa self-flagellation isip pamaagi sa pagpakita sa pagtuo panahon sa Kwaresma, sumala ni Cleb B. Calimutan, presidente sa maong grupo.
Matud niya nga wala na kini ginasuportahan sa Simbahang Katoliko tungod kay mas gipasiugda ang internal nga sakripisyo sama sa paglikay sa sala, paghinulsol, pagpuasa ug pag-abstain. Bisan pa adunay pipila ka indibidwal nga nagapadayon sa maong praktis, klaro nga dili na kini konektado sa opisyal nga pagtulun-an sa simbahan.
Gipasabot usab ni Calimutan nga sa Bibliya adunay mga porma sa pagpaubos sama sa pagpuasa ug pagsul-ob og sako, apan wala’y basihan ang self-flagellation. Hinuon, giingon niya nga ang tinuod nga diwa sa Kwaresma mao ang pag-apil sa kasinatian sa pasyon, kamatayon ug pagkabanhaw ni Kristo pinaagi sa paghinlo sa kaugalingon ug pagtabang sa isigkatawo.
Busa, giaghat ang mga tumutuo nga ipakita ang pagtuo dili pinaagi sa pisikal nga pagpasakit sa lawas, kundili sa matinud-anong pagbag-o sa kinabuhi ug pagpakabana sa kapwa