Gipataas na sa Philippine Atmospheric, Geophysical and Astronomical Services Administration o PAGASA ang Tropical Cyclone Wind Signal No. 1 sa pipila ka bahin sa Extreme Northern Luzon tungod sa Super Typhoon Francisco.
Lakip sa mga lugar nga apektado ang Batanes, ingon man ang mga lungsod sa Gonzaga ug Santa Ana sa amihanang-sidlakang bahin sa Cagayan, ug pipila ka mga isla sa Babuyan Islands.
Ang sentro sa bagyo katapusang namatikdan sa sidlakan sa Tuguegarao City ug mga 450 kilometro sa sidlakan sa Aparri.
Ang bagyo adunay kusog sa hangin nga moabot sa 185 kilometro matag oras duol sa sentro ug pagbugso nga moabot hangtod 230 kilometro matag oras, samtang adunay central pressure nga 940 hectopascals (hPa).
Naglihok kini paingon sa west-northwest sa tulin nga 15 kilometro matag oras, ug ang kusog sa hangin niini makaabot hangtod 360 kilometro gikan sa sentro.
Matud sa PAGASA, posible pang ipataas ngadto sa Signal No. 2 ang alert level kon mausab ang direksyon sa bagyo ug moduol pa kini sa kasadpang bahin.
Gilauman nga magpadayon ang paglihok sa Super Typhoon Francisco paingon sa amihanan-kasadpan ug posible nga mopadulong sa Ryukyu Islands sa Japan.
Gilauman usab nga mogawas kini sa Philippine Area of Responsibility sa Hunyo 26.
Bisan dili direktang moigo sa kayutaan ang bagyo, gipalig-on niini ang Habagat o Southwest Monsoon nga mahimong hinungdan sa kusog nga ulan ug hangin sa daghang bahin sa Luzon, Visayas, ug pipila ka lugar sa Mindanao.