Senate Impeachment Court gipaubos ang voting threshold sa impeachment case ni VP Sara Duterte 

Gipaubos sa Senate Impeachment Court ang voting threshold alang sa conviction sa impeachment trial ni Vice President Sara Duterte, human maaprobahan ang mosyon ni Senator-Judge Erwin Tulfo.

13 ka senator-judge ang mibotar pabor, usa ang misupak ug unom ang wala miapil sa botohan.

Ubos sa ruling, ang denominator sa two-thirds maglangkob lamang sa mga senador nga legal ug pisikal nga makahimo sa pag-apil sa proceedings. Dili iapil ang mga detained, suspended, legal nga gipugngan, wala mahibaloi ang nahimutangan, o adunay pisikal o medical incapacity.

Samtang, wala miapil sa maong botohan ang mga senador sa minorya, human napildi ang mosyon ni Sen. Alan Peter Cayetano sa pag-oktaba sa pagtakda sa threshold.