Gilauman nga mahimong hagit sa Senado ang pagtakda sa iskedyul sa deliberasyon sa 2027 national budget tungod sa posibleng pagdungan niini sa impeachment trial ni Vice President Sara Duterte.
Matud ni Senador Sherwin Gatchalian, nakigtambayayong na siya kang Senador JV Ejercito sa paghan-ay sa iskedyul aron maaprobahan ug ma-ratipikahan ang budget sa dili pa matapos ang tuig.
Matud ni Gatchalian, unahon kutob sa mahimo ang impeachment trial sa pagsugod sa sesyon, sa dili pa maggahin og usa ngadto sa duha ka semana alang sa budget deliberations.
Hagit usab ang posibleng pagdungan sa impeachment trial ug bicameral conference committee o bicam, diin gikinahanglan ang pagtambong sa mga senador ug kongresista aron mah isgotan ang nagkalahi nga bersiyon sa budget.
Dugang pa ni Gatchalian, magdepende sa dagan sa plenary deliberations ang iskedyul sa bicam, samtang nagpadayon ang konsolidasyon sa budget aron maandam ang committee report.