Posibleng magpahamtang og windfall tax o buhis sa sobrang kita ang kagamhanan ngadto sa mga kompanya sa lana nga giingong nakakuha og dako nga ginansya taliwala sa walay hunong nga pagsaka sa presyo sa petrolyo.
Matud pa ni Senador Sherwin Gatchalian, angay nga susihon ang gigamit nga mekanismo sa replacement cost sa mga kompanya sa lana, diin kini ang hinungdan sa mas taas nga presyo bisan kon sa karaan pa ang imbentaryo.
Giangkon usab ni Gatchalian nga gitun-an na karon sa Senado ang pagbutang og probisyon sa balaod nga mag-obligar sa mga kompanya sa lana nga ipakita ang tinuod niini nga kita kung mapamatud-an nga sobra ang ganansya, ipatuman ang windfall tax isip paagi sa pagpanalipod sa mga konsumidor.
Sa pikas bahin, human kuwestiyona sa Senado ang paspas nga pagsaka sa presyo sa lana, nanawagan ang grupong Manibela nga i-refund ang sobra nga presyo nga gibaligya sa publiko.
Sumala ni Mar Valbuena Jr., klaro nga gikan pa sa karaan nga imbentaryo ang lana nga gibaligya sa unang duha ka semana sukad nagsugod ang tensyon sa Middle East.
Tungod niini, gimandoan na ang Philippine Competition Commission (PCC) nga i-