Sen. Lito Lapid nangayo og “Unlimited Time” sa pagpangutana bahin sa SALN

Mitumaw ang lighter moments atol sa ika-25 nga adlaw sa impeachment trial ni Vice President Sara Duterte kagahapong adlawa, human mangutana si Senator-Judge Lito Lapid kang Ombudsman Records Custodian Karen Batu bahin sa SALN.

Nagkomedya si Sen. Lapid nga basin kataw-an na usab siya sa iyang pagpangutana ug nihangyo  pa kini og unlimited time.

Samtang, gipangutana usab ni Lapid ang posibleng silot kung dili makasumite og SALN ang usa ka opisyal.

Nangayo usab ug klaripikasyon si Sen. Lito Lapid kabahin sa pamahayag sa usa ka abogado nga nag-ingon nga walay pulitiko nga motug-an sa ilang tinuod nga Statement of Assets, Liabilities and Net Worth (SALN).