Nadawat na sa House Committee on Justice ang Statement of Assets, Liabilities and Net Worth (SALN) ni Vice President Sara Duterte.
Matud ni Representative Terry Ridon, nakita sa rekord nga nitaas ang net worth sa Bise Presidente gikan sa P71 milyon niadtong 2022, nahimong P77.5 milyon sa 2023, ug niabot na sa kapin P88.5 milyon niining tuiga.
Tungod niini, susihon sa komite kung aduna ba’y “unexplained wealth” o dili maapasaligan nga pagsaka sa iyang bahandi.
Gilantaw usab ang isyu bahin sa iyang pagka-stockholder sa usa ka kompanya sa Davao City nga matod pa wala motugma sa gihimo nga verification sa panel.
Gikatakdang hisgotan kini sa sunod nga impeachment hearing diin gilaumang motambong ang mga opisyal gikan sa Ombudsman, Anti-Money Laundering Council (AMLC), BIR, SEC, ug si kanhi Senador Antonio Trillanes IV aron mohatag og katin-awan sa maong mga kabtangan.