- Advertisement -
Gipaambit sa Asia’s Songbird nga si Regine Velasquez ang iyang pakigbisog sa kausaban sa iyang tingog samtang nag-atubang sa menopause stage, pipila ka semana sa wala pa ang iyang “Finale” concert.
Matud ni Regine, nasusi na kini sa Singapore ug walay nakitang problema sa iyang vocal cords, apan nakasinati siya og pagkabuak ug kalisod sa pagkontrol sa iyang tingog. Bisan pa niini, miingon siya nga naa gihapon ang iyang tingog, apan kinahanglan na niyang trabahoon ang bag-ong porma niini.
Dili usab retirement ang iyang “Finale” concert nga ipahigayon gikan Oktubre 17 hangtod 19, apan plano niyang undangan na ang pagpasundayag sa dagkong concerts tungod sa pressure nga kauban niini.
- Advertisement -