PH, nakadugang og 2 ka bronze medal sa Asian Games

Nakadugang og duha ka bronze medal ang Pilipinas sa 2026 Asian Games sa Nagoya, Japan human sa podium finish ni John Cabang Tolentino sa athletics ug sa Sibol Pokémon UNITE team sa esports.

Nikatulo si Tolentino sa men’s 110-meter hurdles human makarekord og season-best nga 13.48 segundos, samtang napildi sa semifinals sa Indonesia ang Sibol, nga nakasiguro na og bronze medal. 

Human niini, misaka sa 12 ang kinatibuk-ang medalya sa Pilipinas diin adunay 2 gold, 2 silver ug 8 bronze.