Giaprobahan ni Presiding Officer Francis Escudero ang hangyo alang sa subpoena sa bank records, BIR records ug AMLC records ni Vice President Sara Duterte human nakit-an sa korte nga may kalabotan ug klaro ang gipangayong mga dokumento ubos sa Rules of Court.
Matud sa korte, prima facie relevant ug material ang mga rekord sa Article II o unexplained wealth ug dili kini “fishing expedition” tungod kay gamiton kini aron matukod ang factual baseline sa pagtimbang kung ang assets ug financial transactions ni Duterte atol sa iyang termino dili ba proporsyonal sa iyang legal nga kita.
Gitugotan usab ang pagkuha sa mga rekord gikan 2007 hangtod 2021, apan giklaro nga gamiton lamang kini isip baseline ug dili aron magpasaka og bag-ong impeachable offenses.
Gitugotan usab sa korte ang pagsusi sa bank records sa bana ni Duterte nga si Atty. Manases Carpio, tungod kay may kalabotan usab kini sa financial disclosure requirements sa mga magtiayon ubos sa RA 6713.