Wala gisalikway sa prosecution panel ang posibilidad nga ipatawag isip testigo ang negosyanteng si Jaime Cruz, human balik-balik nga migawas ang iyang ngalan sa mga rekord sa SEC nga may kalabotan sa mga kompanyang giingong konektado kang Vice President Sara Duterte.
Sumala kang impeachment advisor ug prosecution spokesperson Robert Ace Barbers, gitun-an pa nila kung ipa-subpoena si Cruz aron makahatag og katin-awan sa isyu sa pagpanag-iya, ilabina kay giangkon usab ni VP Sara nga iya ang pipila ka kompanya.Â
Gipanghimakak usab ni Barbers ang kritisismo sa depensa nga misleading, unreliable ug misrepresented ang presentasyon sa prosecution.
Matod ni Barbers, ang ilang gipakita sa impeachment court gibase sa mga opisyal nga dokumento ug rekord nga gisumite sa korte.
Dugang pa niini nga wala sa ilang estratehiya ang pagmisrepresent sa mga ebidensya ug padayon silang on track sa ilang presentasyon sa mga testigo ug ebidensya para sa Article 1.