Gipresentar sa House prosecution panel ang mga financial records nga may kalabotan sa unexplained wealth allegation batok kang Vice President Sara Duterte sa impeachment trial.
Matud ni Prosecutor Representative Terry Ridon, ang mga dokumento gikan sa 2007 hangtod 2025 ug naglakip sa records gikan sa SEC, BIR, AMLC, PNP Firearms Division ug mga bank accounts.
Gipahayag usab ni Redona nga gitun-an pa sa prosecution kung ipatawag isip testigo si Atty. Manases Carpio, bana ni VP Sara, human makita ang ngalan niini sa mga dokumentong gihisgutan sa hearing.
Samtang, giingon ni prosecution spokesperson Atty. Benjamin Tolosa Jr. nga bahin pa lamang sa kinatibuk-ang ebidensya ang gipresentar ug kinahanglan kining ikumpara sa tax filings, bank records ug ubang financial interests.
Matud sa prosecution, wala pa silay katapusang konklusyon kung adunay anomalya sa deklarasyon sa yaman ni VP Sara ug maghulat pa sa kompletong documentary ug testimonial evidence.