PRO-10, mipasalig sa patas nga pagpatuman sa warrant of arrest batok sa mga wanted person

Mipasalig ang Police Regional Office 10 (PRO-10) nga magpabiling patas ug subay sa balaod ang pagpatuman sa mga warrant of arrest batok sa mga wanted person, bisan pa og prominente o adunay impluwensya ang ilang gipangita.

Kini human gipangutana ang kapulisan kalabot sa mga alegasyon sa pagpalihok og tracker teams aron bantayan ang posibleng nahimutangan ni Senador Ronald Bato dela Rosa.

Gipasabot ni Police Major Joan Galvez Navarro nga nagpadayon ang pagmonitor sa kapulisan ug koordinasyon sa ubang intelligence agencies aron matuman ang ilang mga operasyon.

Gipahayag usab sa opisyal nga dili lamang usa ka personalidad ang ilang tutokan, kondili ang tanang wanted person nga kinahanglan manubag sa ilang mga kaso.