Nagpadayon ang pagpangandam sa Bukidnon Police Provincial Office (BukPPO) alang sa seguridad sa tibuok probinsya samtang nagkaduol ang kapaskuhan, ilabi na sa mga lugar nga gilauman nga daghang tawo ang magtapok.
Matud pa sa opisyal sa BukPPO, magpadayon ang regular nga deployment sa mga kapulisan ug pag-ila sa mga estratehikong lugar nga nagkinahanglan og dugang pagbantay.
Gipasabot usab nga magdepende sa sitwasyon ang gidugayon sa deployment sa mga kapulisan ug dili kini hunongon hangtod makadawat sila og tukmang instruksyon gikan sa ilang pamunuan.
Dugang pa sa opisyal, nagpadayon ang koordinasyon tali sa provincial headquarters ug mga police station aron masiguro ang paghatag og suporta sa nagkadaiyang lugar.
Samtang, nagpabiling prayoridad sa kapulisan ang pagmintinar sa kalinaw ug kahapsay sa probinsya atol sa umaabot nga holiday season.